شادی کے تھوڑے ہی دن بعد داماد نے بیوی اور ساس کا قتل کردیا

حیدرآباد: شادی کے چند دن بعد ہی ایک داماد نے اپنی بیوی، ساس اورسسر پر خنجر سے حملہ کردیا۔ حملہ میں بیوی اورساس کی موت ہوگئی۔ آندھراپردیش کے کرنول ضلع سے تعلق رکھنے والا شراون نامی نوجوان حیدرآباد کی ایک پرائیویٹ بینک میں برسرخدمت ہے۔

شراون کی شادی دو ہفتہ قبل تلنگانہ کے ونپرتی ضلع سے تعلق رکھنے والی 21 سالہ رکمنی سے یکم مارچ کو ہوئی تھی، شادی کے بعد ان کے درمیان اختلافات ہوگئے۔ رکمنی کی 45 سالہ ماں رما دیوی اور 50 سالہ باپ وینکٹیشورلو بیٹی کے سسرال کرنول پہنچے۔

 اس موقع پر ان دونوں میں کسی بات پر جھگڑا ہوگیا۔ اس پر داماد نے برہمی کے عالم میں اپنی بیوی رکمنی، ساس رمادیوی اورسسرپرخنجرسے حملہ کردیا۔ حملہ میں رکمنی اوررمادیوی کی موت ہوگئی جبکہ اس کا سسر زخمی ہے اسے علاج کیلئے اسپتال منتقل کردیا گیا۔