طالب علم کے بھائی نے اسکول ٹیچر پر حملہ کردیا

حیدرآباد: دوطلبا کے درمیان تصادم کے واقعہ میں ایک ٹیچر پر حملہ کرنے کا واقعہ تلنگانہ کے ضلع کھمم میں پیش آیا۔

تفصیلات کے مطابق ضلع کے کری پلی منڈل کے گاندھی نگر کے قبائلی گروکلا اسکول میں آٹھویں جماعت کے دو طلباء کے درمیان تصادم ہوا۔

اس سلسلہ میں پرنسپل نے طلباء کے والدین کو اس بات کی اطلاع دی جس کے بعد اسکول پہنچنے والے ایک طالب علم کے بھائی نے ڈیوٹی پر موجود ٹیچر کو زدوکوب کیا جس کی شکایت ٹیچر نے پولیس سے کی۔

پولیس نے حملہ کرنے والے شخص کے خلاف مقدمہ درج کر لیا۔