نالہ پر بنائی گئی دیواریں منہدم، مکانات کا سامان بہہ گیا

حیدرآباد: حیدرآباد کے گوشہ محل اسمبلی حلقہ کے توپ خانہ علاقہ میں نالہ پر بنائے گئے مکانات کی دیواریں منہدم ہوگئیں جس کے نتیجہ میں مکانات کا سامان بہہ گیا۔یہ واقعہ کل شب پیش آیا۔

متاثرین نے کہاکہ نالہ کی صفائی نہ ہونے اور نامناسب کام کے نتیجہ میں یہ واقعہ پیش آیا۔

عہدیداروں نے ان افراد کو محفوظ مقامات پر منتقل کردیا۔متاثرین نے کہاکہ اس واقعہ میں وہ محفوظ رہے۔

انہوں نے عہدیداروں کی لاپرواہی پر برہمی کااظہار کیا۔