خاتون نے فیس بک پر لائیو پھندہ لگا کر خودکشی کر لی
بتایا جا رہا ہے کہ جب خاتون نے خود کو پھندہ لگایا تو اس کی 20 سالہ بیٹی بھی گھر کے اندر تھی۔ جب پولیس دروازے پر دستک دے رہی تھی تو خاتون کی بیٹی نے دروازہ نہیں کھولا۔
بلاس پور: چھتیس گڑھ کے بلاسپور میں ایک ریلوے ملازم کی اہلیہ نے فیس بک پر لائیو ہو کر پھندہ لگا کر خودکشی کر لی۔ پھندہ لٹکانے سے پہلے خاتون نے فیس بک پر کچھ لوگوں کے نام پوسٹ کیے تھے جن پر انہوں نے ہراسانی اور غنڈہ گردی کی وجہ سے خودکشی کرنے کا لکھا تھا۔
معاملہ سول لائن تھانہ علاقہ کا ہے۔ پرینکا سنگھ سول لائن تھانہ علاقے میں میگنیٹو مال کے ساتھ سائی دربار کے ساتھ والی گلی میں رہتی تھی۔ متوفیہ کا شوہر ریلوے کا ملازم ہے۔ اتوار کو دن کے 12 بجے خاتون نے فیس بک پر لائیو پھندہ لگا کر خودکشی کرلی۔ خاتون نے فیس بک پر کئی لوگوں کے نام بھی لیے ہیں۔ پوسٹ دیکھنے والوں نے پولیس کو اطلاع دی۔
اطلاع پر پولیس جب پرینکا کے گھر پہنچی تو گھر کا دروازہ اندر سے بند تھا اور فون کرنے پر بھی دروازہ نہیں کھلا۔ اسی دوران خاتون کا ریلوے ملازم شوہر ڈیوٹی ختم کرکے گھر پہنچ گیا۔ پولیس والوں کو دیکھ کر اس نے انہیں کچھ دیر انتظار کرنے کا اشارہ کیا اور دوسری چابی سے گھر کا دروازہ کھولا اور اندر جھانک کر دیکھا تو بیوی کی لاش لٹکی ہوئی ہے۔
بتایا جا رہا ہے کہ جب خاتون نے خود کو پھندہ لگایا تو اس کی 20 سالہ بیٹی بھی گھر کے اندر تھی۔ جب پولیس دروازے پر دستک دے رہی تھی تو خاتون کی بیٹی نے دروازہ نہیں کھولا۔
جس کی وجہ سے پولیس اہلکاروں نے ابتدائی طور پر یہ سمجھا کہ خاتون گھر میں اکیلی ہے۔ دروازہ کھلنے کے بعد پولیس اندر گئی اور خاتون کو فوری طور پر ضلع اسپتال لے گئی جہاں پہنچنے سے پہلے ہی اس کی موت ہو چکی تھی۔
