کویتا کی عدالتی تحویل میں پھر توسیع

حیدرآباد: دہلی شراب معاملہ میں بی آر ایس کی ایم ایل سی کویتا کو ایک بار پھر بڑا دھکہ لگا ہے کیونکہ دہلی کے راس ایونیوکورٹ نے ان کی عدالتی تحویل میں 3 جولائی تک توسیع کر دی۔

عدالتی تحویل کے ختم ہونے پر ان کو آج عدالت میں پیش کیاگیا جس کے بعد اسپیشل جج کاویری باویجا نے ایک ماہ کے لیے حراست میں توسیع کا فیصلہ کیا۔

15 مارچ کو ای ڈی کے عہدیداروں نے اس معاملہ میں کویتا کو حیدرآباد میں ان کی رہائش گاہ سے گرفتار کیا تھا۔عدالت نے تین ملزمین پرنس، دامودر اور اروند سنگھ کی ضمانت منظور کردی ہے۔

کویتا، ای ڈی اور سی بی آئی کی جانب سے اس مبینہ شراب معاملہ میں درج کردہ دو مقدمات کے سلسلہ میں عدالتی تحویل میں ہیں۔

قبل ازیں عدالت میں پیش کئے جانے کے دوران کویتا نے جئے تلنگانہ او رجئے بھارت کے نعرے لگائے۔