سڑک حادثے میں تین پولیس اہلکاروں کی موت ، دو زخمی
مدھیہ پردیش کے کھرگون ضلع ہیڈکوارٹر میں منعقدہ شیو ڈولا تقریب میں اپنی ڈیوٹی ختم کرنے کے بعد واپس آنے والے دو سب انسپکٹر اور ایک کانسٹیبل کی آج سڑک حادثے میں موت ہو گئی، جبکہ ایک کانسٹیبل اور سٹی کانسٹیبل شدید زخمی ہو گئے۔
کھرگون: مدھیہ پردیش کے کھرگون ضلع ہیڈکوارٹر میں منعقدہ شیو ڈولا تقریب میں اپنی ڈیوٹی ختم کرنے کے بعد واپس آنے والے دو سب انسپکٹر اور ایک کانسٹیبل کی آج سڑک حادثے میں موت ہو گئی، جبکہ ایک کانسٹیبل اور سٹی کانسٹیبل شدید زخمی ہو گئے۔
حادثہ اس وقت پیش آیا جب پولیس اہلکاروں کی گاڑی کھڑی گاڑی سے ٹکرا گئی۔ اطلاع ملتے ہی پولیس سپرنٹنڈنٹ دھرم ویر سنگھ یادو اور دیگر افسران سناواد پہنچ گئے۔
سناود کے تھانہ انچارج نرمل کمار شریواس نے بتایا کہ یہ حادثہ صبح تقریباً 5 بجے بڑود گاؤں کے قریب پیش آیا۔ سب انسپکٹر ومل تیواری اور رمیش چندر بھاسکرے اور کانسٹیبل منوج کماوت کی موت ہو گئی۔ کار میں سوار کانسٹیبل رگھویر راوت اور سٹی سپاہی کومل ڈانگوڑے بری طرح زخمی ہوگئے۔
دونوں زخمیوں کو سناود کے سرکاری اسپتال سے ابتدائی طبی امداد کے بعد بہتر علاج کے لیے اندور بھیج دیا گیا ہے۔
