اے پی کے ضلع چتور میں تیندوے کی موجودگی سے سنسنی

حیدرآباد: آندھراپردیش کے ضلع چتور میں تیندوے کی موجودگی سے سنسنی پھیل گئی۔ضلع کے وی کوٹہ منڈل کے نکرپلی دیہات میں یہ جنگلی جانوردیکھاگیا۔

مقامی افرا دنے اس کی ویڈیوز سل فون پر قید کرلی اور محکمہ جنگلات کے عہدیداروں کو اس بات کی اطلاع دی جو وہاں پہنچے اور اس تیندوے کے پیروں کے نشانات کا معائنہ کیا۔

مقامی افراد میں اس تیندوے سے متعلق خوف پایاجاتا ہے۔مقامی افراد نے کہاکہ اس تیندوے کو دیکھ کر کتوں نے بھونکنا شروع کردیا جس پر یہ تیندوا وہاں سے فرار ہوگیا۔

مقامی افراد نے کہاکہ اس علاقہ میں پہلی مرتبہ یہ تیندوانظرآیا ہے۔