ٹیپو سلطان کی تاریخی تلوار برطانیہ میں 3.4 کروڑ روپئے میں نیلام
نیلامی میں ایک اور تاریخی دستاویز، ایڈمن اسٹون مسودہ بھی پیش کیا گیا، جو ٹیپو سلطان کی خفیہ اتحاد کی تفصیلات فراہم کرتا ہے۔ اس میں ان کا انکشاف ہوا کہ ٹیپو سلطان نے برطانوی حمایت یافتہ کرناٹک کے نوابوں کے ساتھ خفیہ معاہدہ کیا تھا۔
لندن: ٹیپو سلطان کے ذاتی اسلحہ کا حصہ سمجھی جانے والی ایک تاریخی تلوار، جس کا تعلق سرنگاپٹم کی جنگ سے ہے، بونہامز نیلام گھر میں 3.4 کروڑ روپے (317,900 پاؤنڈ) میں فروخت ہوئی۔ یہ نیلامی منگل کو ہوئی اور تلوار کا تعلق 1799 کی اس جنگ سے ہے جس میں ٹیپو سلطان شہید ہوئے۔
یہ "اسٹیل تلوار” اپنے منفرد "دبری” (شیر کی دھاریاں) ڈیزائن کیلئے مشہور ہے جو ٹیپو سلطان کے القاب کا حصہ ہے۔ تلوار کے بلیڈ پر سونے کی مزیّن عربی حرف "حا” کندہ ہے، جو ٹیپو سلطان کے والد، حیدر علی کو خراج تحسین پیش کرتا ہے۔
یہ تلوار کیپٹن جیمز اینڈریو ڈک کو سرنگاپٹم میں اس کی خدمات کے اعتراف میں دی گئی تھی اور جون 2024 تک ان کے خاندان کی ملکیت رہی۔ ڈک، جو 75 ویں ہائی لینڈ رجمنٹ آف فٹ میں لیفٹیننٹ کے طور پر خدمات انجام دے رہے تھے، ان فورسز کا حصہ تھے جو سرنگاپٹم کی دیواریں توڑ کر شہر میں داخل ہوئے، اور غالباً پہلے برطانوی فوجیوں میں سے تھے جو شہر میں داخل ہوئے۔
نیلامی میں ایک اور تاریخی دستاویز، ایڈمن اسٹون مسودہ بھی پیش کیا گیا، جو ٹیپو سلطان کی خفیہ اتحاد کی تفصیلات فراہم کرتا ہے۔ اس میں ان کا انکشاف ہوا کہ ٹیپو سلطان نے برطانوی حمایت یافتہ کرناٹک کے نوابوں کے ساتھ خفیہ معاہدہ کیا تھا۔ اس انکشاف نے برصغیر میں برطانوی کنٹرول کو مزید مستحکم کرنے میں اہم کردار ادا کیا۔
