تلنگانہ

سل فون کے زیادہ استعمال پر ماں کی سرزنش پر بیٹے کی خودکشی

سل فون کے زیادہ استعمال پر ماں کی جانب سے کی گئی سرزنش پر بیٹے نے خودکشی کرلی۔

حیدرآباد: سل فون کے زیادہ استعمال پر ماں کی جانب سے کی گئی سرزنش پر بیٹے نے خودکشی کرلی۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
تلنگانہ:ایم ایل سی کی نشست کے ضمنی انتخاب کی مہم کااختتام
تلنگانہ میں ٹی ایس کے بجائے ٹی جی استعمال کی ہدایت، احکام جاری
تلنگانہ میں آئندہ 24 گھنٹے میں تیز ہوائیں چلنے کا امکان
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ

یہ واقعہ تلنگانہ کے ضلع جگتیال میں پیش آیا۔ تفصیلات کے مطابق جگتیال اربن منڈل کے ٹپنا پیٹ گاؤں کا 14 سالہ سائی چرن مقامی اسکول میں نویں جماعت میں زیرتعلیم ہے۔

حال ہی میں لڑکا اپنی پڑھائی پر توجہ دیے بغیر کثرت سے فون استعمال کر رہا تھا جس پر اس کی ماں نے اس کی سرزنش کرتے ہوئے سل فون کے بجائے کتابوں اور اپنی تعلیم پر توجہ دینے کا مشورہ دیا۔

لڑکا ماں، کی باتوں کو نظر انداز کرتے ہوئے فون کا کثرت سے استعمال کررہا تھا جس پر ماں نے ایک مرتبہ پھر اس کی ڈانٹ ڈپٹ کی۔

ماں کی سرزنش پر دل برداشتہ ہوکر اس نے پھانسی لے لی۔اس نے یہ انتہائی اقدام اُس وقت کیا جب وہ گھرمیں تنہا تھا۔

ماں جب گھر واپس ہوئی تو اس نے دیکھا کہ دروازہ بند ہے۔اس نے پریشان ہو کر پڑوسیوں کی مدد سے دروازہ توڑا تو دیکھا کہ لڑکے کی موت ہوگئی ہے۔

اس معاملہ کی اطلاع ملتے ہی پولیس موقع پر پہنچ گئی۔ لڑکے کی لاش کو پوسٹ مارٹم کے لیے جگتیال ایریا اسپتال منتقل کیا گیا۔

a3w
a3w