تلنگانہ کے نئے سکریٹریٹ میں محکمہ جات کی منتقلی کا کام تیزی سے جاری

حیدرآباد: انتہائی عصری سہولیات کے ساتھ جدید طریقوں کے مطابق 28 ایکڑ اراضی پر تعمیر کردہ تلنگانہ کے نئے بی آرامبیڈکرسکریٹریٹ کی عمارت میں سرکاری محکمہ جات کی منتقلی کا کام تیزی کے ساتھ جاری ہے۔

اس عمارت کی افتتاحی تقریب 30 اپریل کوہونے والی ہے۔

26 ماہ میں سکریٹریٹ کی تعمیر کا کام مکمل کرلیاگیا ہے۔

جمعہ تک مختلف محکمہ جات کے سامان کی بی آرکے آربھون سے نئے سکریٹریٹ منتقلی کا عمل جاری رہے گا۔

یکم مئی کو تعطیل ہونے کے سبب 2مئی سے تمام محکمہ جات کے عہدیدار نئے سکریٹریٹ میں مکمل طورپرکام کرنا شروع کردیں گے۔