حیدرآباد سے گواجانے والی کار کو ٹسکر کی ٹکر۔ایک ہلاک، تین شدید زخمی

حیدرآباد: شہرحیدرآباد کے راجندرنگر اوآرآرکے قریب ٹسکر گاڑی نے کار کو ٹکر دے دی۔اس حادثہ میں ایک نوجوان ہلاک اور دیگر تین شدید زخمی ہوگئے۔

مہلوک کی شناخت انیل کے طور پر کی گئی ہے۔ٹسکر کا ڈرائیور حالت نیند میں تھاجس کے نتیجہ میں اس نے گاڑی کا توازن کھودیا اور یہ گاڑی، ٹہری ہوئی کار سے ٹکراگئی۔

یہ نوجوان کار میں حیدرآباد سے گوا جارہے تھے۔مقامی افرادکی اطلاع پر پولیس وہاں پہنچی جس نے راحت کاموں کا آغاز کردیا۔

پولیس نے لاش کو پوسٹ مارٹم اور زخمیوں کو علاج کیلئے اسپتال منتقل کیا۔پولیس نے حادثہ کا سبب بننے والی ٹسکر گاڑی اورکار کو وہاں سے ہٹاتے ہوئے اس روٹ کو ٹریفک کیلئے بحال کیا۔