دو رہزنوں نے خواتین پر حملہ کرتے ہوئے طلائی زیورات اور نقد رقم چھین لی

حیدرآباد: ایک چونکادینے والے واقعہ میں اے پی کے کاکناڈا میں دو رہزنوں نے دوخواتین پر حملہ کرتے ہوئے ان کے پاس سے طلائی زیورات اور نقد رقم چھین لی۔

ذرائع کے مطابق سامل کوٹہ آٹو اسٹینڈ کے قریب 8خواتین، آٹو میں سوار ہوئین جو پیٹھاپورم جانا چاہتی تھیں۔

دوافراد آٹو ڈرائیور کے دونوں سمت کی سیٹوں پر بیٹھ گئے۔

آٹو کے سامل کوٹہ کے ذریعہ گذرنے اورکونڈا دھرماپورم کی طرف جانے کے دوران بہار سے تعلق رکھنے والے دو افراد نے فوری طورپر گاڑی روکنے کی ڈرائیور کو ہدایت دی۔

ان کی اس ہدایت کو ڈرائیور نے نظرانداز کردیا اور گاڑی چلاتا رہا۔

آٹو کے پیٹھا پورم منڈل کے جولارو روڈ کی طرف جاتے ہی رہزنوں نے آٹو ڈرائیور پر حملہ کردیا جس کے نتیجہ میں آٹوقریبی کھیت میں چلاگیا۔

ان رہزنوں نے مسافرین کو اپنی بندوقوں سے ڈرایادھمکایا اور ان پر حملہ کردیا۔آٹو ڈرائیور پر چاقو سے حملہ کردیاگیا جس کو دیکھ کر خواتین صدمہ کا شکار ہوگئیں۔

ایک خاتون نے خود کوبچانے کیلئے مزاحمت شروع کردی تاہم دو رہزنوں نے دوخواتین پر حملہ کرتے ہوئے ان کے پاس سے طلائی زیورات اور نقد رقم چھین لی اور فرار ہوگئے۔