مزید دو جملوں’ باہمی وفاق’ اور ’ ٹیم انڈیا کا جذبہ‘ کو ہمیں یاد کرنے کی ضرورت: کے ٹی آر

حیدرآباد: تلنگانہ کے وزیر انفارمیشن ٹکنالوجی کے تارک راماراو نے طنز کرتے ہوئے کہا ہے کہ مزید دو جملوں ”باہمی وفاق“ اور”ٹیم انڈیا کا جذبہ“ کو ہمیں یاد کرنے کی ضرورت ہے۔

 کیونکہ آپ ریاست میں انتخابات جمہوری انداز میں کامیاب نہیں ہوسکتے جس کے بعد آپ نے ریاستی حکومت کو گرانے کی کوشش کی، پارٹی کو توڑنے کی کوشش کی اور جب کچھ بھی کام نہیں آسکاتو اپنے کٹھ پتلی کے ذریعہ سالانہ بجٹ کو پیش کرنے سے روک دیا۔

واہ واہ۔سوشیل میڈیا کے اہم پلیٹ فارم ٹوئیٹر پر سرگرم تارک راما راو نے سابق مرکزی وزیر کپل سبل کے ٹوئیٹ کو ٹیگ کرتے ہوئے یہ ٹوئیٹ کیا۔سبل نے اپنے ٹوئیٹ میں دہلی بجٹ معاملہ پر کہاتھا کہ اس کو پیش کرنے سے روکنا ٹریفک لائٹ کی جانب سے ایک کار کو روکنے کی طرح نہیں ہے۔

انہوں نے نشاندہی کرتے ہوئے کہا کہ حکومت پر یہ الزام لگایا گیا ہے کہ سرمایہ مصارف ناکافی اورمکمل بجٹ کا صرف 20فیصد ہیں۔تشہیر کے لئے گذشتہ سال سے زیادہ رقم مختص کی گئی ہے۔انہوں نے کہا کہ ایک منتخب حکومت کے ساتھ اس طرح کا رویہ اختیار نہیں کیاجاسکتا۔