مشرق وسطیٰ

مغربی کنارے میں دو فلسطینی شہید، ایک اسرائیلی فوجی زخمی

مغربی کنارے میں ایک پناہ گزین کیمپ پر اسرائیلی حملے کے دوران فائرنگ میں دو فلسطینی شہیداور ایک اسرائیلی فوجی شدید زخمی ہو گیا۔

رملہ: مغربی کنارے میں ایک پناہ گزین کیمپ پر اسرائیلی حملے کے دوران فائرنگ میں دو فلسطینی شہیداور ایک اسرائیلی فوجی شدید زخمی ہو گیا۔

متعلقہ خبریں
اسرائیل میں یرغمالیوں کی رہائی کیلئے 7 لاکھ افراد کا احتجاجی مظاہرہ
غزہ میں امداد تقسیم کرنے والے ٹرک پر پھر اسرائیلی بمباری
کولمبین صدر کا فلسطین میں سفارتخانہ کھولنے کا حکم
اسرائیلی فورسس نے 2 فلسطینیوں کو ہلاک کردیا
عالمی برادری، اسرائیلی جارحیت کے خاتمہ کے لیے ٹھوس اقدامات کرے: رابطہ عالم اسلامی

یہ اطلاع فلسطینی اور اسرائیلی افسران نے دی۔ فلسطینی وزارت صحت نے شہید ہونے والوں کی شناخت 19 سالہ نبیل عامر اور 36 سالہ محمد العوفی کے طور پر کی ہے جنہیں طولکرم کیمپ میں اسرائیلی فوجیوں نے گولی مار دی تھی۔

وزارت صحت کی طرف سے جاری کردہ ایک بیان میں کہا گیا ہے کہ اسرائیل نے العوفی کی لاش کو قبضے میں لے لیا ہے۔

فلسطینی سیکیورٹی ذرائع نے بتایا کہ اسرائیلی فورسز نے کیمپ میں گھس کر اسے گھیرلیا جس کے نتیجے میں مقامی نوجوانوں سے جھڑپیں ہوئیں۔

اسرائیلی پبلک ریڈیو نے بتایا کہ فوج، پولیس اور شن بیٹ سیکیورٹی سروسز کی جانب سے کیے گئے حملے میں طولکرم میں ایک سینئر عسکریت پسند اور حماس کے ایک سینیئر اہلکار کے ساتھ ساتھ تین دیگر مشتبہ افراد کو نشانہ بنایا گیا۔

ریڈیو کے مطابق، پولیس نے شن بیٹ خفیہ معلومات پر کارروائی کرتے ہوئے العوفی کو قتل کر دیا، جو اسرائیلی فریق کے مطابق طولکرم میں مطلوب شخص تھا اور اسرائیلی فورسز اور آباد کاروں پر فائرنگ کے حملوں میں ملوث تھا۔ اسرائیلی ریڈیو نے کہا کہ اس پر طولکرم کے رہائشیوں کے قتل کا بھی شبہ ہے۔

ریڈیو نے کہا کہ العوفی فوجیوں کے ساتھ فائرنگ کے تبادلے کے بعد مارا گیا اور اس کے پاس سے ہتھیار برآمد ہوئے۔ اس نے کہا کہ ایک اور بندوق بردار بھی مارا گیا اور تیسرا زخمی ہوا۔

اسرائیلی ریڈیو کے مطابق گولی لگنے سے ایک اسرائیلی فوجی شدید زخمی ہوا اور اسے ہسپتال لے جایا گیا۔