حیدرآباد

”آٹوڈرائیورس ہمارے بھائی۔جلد ہی ان سے انصاف کیاجائیگا“ : وزیرٹرانسپورٹ

پونم پربھاکر نے کہاکہ منگل کو 5126درخواستیں وصول کی گئیں، ان میں بیشترذاتی مکان سے متعلق تھیں۔انہوں نے نشاندہی کرتے ہوئے کہا کہ بے روزگارنوجوان بھی بڑی تعداد میں پرجا وانی میں شریک ہوئے اور اپنی درخواستیں داخل کیں۔

حیدرآباد: تلنگانہ کے وزیر ٹرانسپورٹ پونم پربھاکرنے کہا ہے کہ کانگریس حکومت کی جانب سے ریاست بھر میں آرٹی سی بسوں میں خواتین کو مفت سفر کی سہولت پہنچانے سے آٹوڈرائیورس کے روزگار متاثر ہونے کے معاملہ کا نوٹ لیتے ہوئے حکومت پالیسی فیصلہ کرے گی۔

متعلقہ خبریں
حیدرآباد دونوں ریاستوں کا مشترکہ دارالحکومت نہیں رہا
صدر ٹی پی سی سی کے عہدہ کیلئے کانگریس قائدین کی دوڑ دھوپ
تلنگانہ میں کانگریس کو 10 نشستیں ملیں گی، چیف منسٹر پرامید
1969 کی تحریک میں طلبہ پر کس نے گولی چلانے کی ہدایت دی؟ کے ٹی آر کا سوال
تلنگانہ:ایم ایل سی کی نشست کے ضمنی انتخاب کی مہم کااختتام

وزیرموصوف نے کہا کہ خواتین کے بسوں میں مفت سفرسے آٹوڈرائیورس کو مسائل کاسامنا ہے۔یہ کہتے ہوئے کہ آٹوڈرائیورس ان کے بھائی کی طرح ہیں، وزیرموصوف نے کہا کہ حکومت ان سے انصاف کو یقینی بنائے گی تاہم تب تک ان کو کچھ صبر کرنا پڑے گا۔

انہوں نے عوامی مسائل کی یکسوئی کیلئے ریاستی حکومت کی جانب سے شروع کردہ پرجا وانی پروگرام کے حصہ کے طورپر منگل کوعوام کی بڑی تعداد سے موصول شکایات اورنمائندگیوں پر ردعمل ظاہر کرتے ہوئے کہا کہ اس پروگرام پرعوام کا بہتر ردعمل حاصل ہورہا ہے۔

انہوں نے کہاکہ منگل کو 5126درخواستیں وصول کی گئیں، ان میں بیشترذاتی مکان سے متعلق تھیں۔انہوں نے نشاندہی کرتے ہوئے کہا کہ بے روزگارنوجوان بھی بڑی تعداد میں پرجا وانی میں شریک ہوئے اور اپنی درخواستیں داخل کیں۔

a3w
a3w