دو آرٹی سی بسوں کا تصادم، بعض مسافرین زخمی

حیدرآباد: تلنگانہ کے رنگاریڈی ضلع،بنڈلہ گوڑہ جاگیر کارپوریشن کے قریب پیش آئے سڑک حادثہ میں بعض مسافرین زخمی ہوگئے۔

یہ حادثہ آج صبح اُس وقت پیش آیا جب ایک آرٹی سی بس کے ڈرائیور نے اس کا توازن کھودیا جس کے نتیجہ میں یہ بس دوسری آرٹی سی بس سے ٹکراگئی۔اس حادثہ کے نتیجہ میں بڑے پیمانہ پر ٹریفک جام ہوگئی۔

اطلاع ملتے ہی پولیس وہاں پہنچی جس نے اس روٹ پر ٹریفک کو بحال کیا۔اس حادثہ کے بعد مسافرین نے بس ڈرائیورس پر برہمی کا اظہار کیا۔

چلکوربالاجی مندر سے بس کے راجندرنگرڈپو کو جانے کے دوران یہ حادثہ پیش آیا۔اس حادثہ میں کسی کی ہلاکت نہ ہونے پر تمام مسافرین نے راحت کی سانس لی۔