”استعمال کرو اور پھینکو“ نتیش کمار کے ورک کلچر کا حصہ : چراغ پاسوان

نئی دہلی: لوک جن شکتی پارٹی (رام ولاس) کے لیڈر چراغ پاسوان نے آج چیف منسٹر بہار نتیش کمار کے اس دعویٰ پر ان کا مذاق اڑایا کہ وہ بی جے پی کے ساتھ دوبارہ ہاتھ ملانے کے بجائے مرجانا پسند کریں گے۔

انہوں نے کہا کہ ”استعمال کرو اور پھینکو“ ان کے ورک کلچر کا ایک حصہ ہے اور جنتادل یو لیڈر نے ماضی میں بھی ایسے ہی ریمارکس کئے تھے۔ پاسوان نے احاطہ ئ پارلیمنٹ میں نامہ نگاروں سے بات چیت کرتے ہوئے کہا کہ کمار پر بھروسہ نہیں کیا جاسکتا۔

 کیونکہ انہوں نے اقتدار کی ہوس میں باربار پارٹیوں اور لوگوں کا استعمال کیا ہے۔ انہوں نے اپنی موجودہ حلیف جماعت آر جے ڈی اور بی جے پی کو بھی کئی مرتبہ چھوڑدیا تھا اور کہا تھا کہ وہ دوبارہ ان کے ساتھ کبھی اتحاد نہیں کریں گے۔