موسیٰ ندی بحالی پروجیکٹ میں اسرائیلی ٹکنالوجی کا استعمال

حیدرآباد: ریاستی وزیر آئی ٹی سریدھر بابو نے کہا کہ ریاستی حکومت کے موسیٰ ندی بحالی پروجیکٹ میں تکنیکی مہارت فراہم کرنے سے اسرائیل نے اتفاق کیا ہے۔ اسرائیل کے سفیر ریوون ازار نے جمعہ کے روز تلنگانہ کے سکریٹریٹ میں وزیر آئی ٹی ڈی سریدھر بابو سے ملاقات کی۔

 مصنوعی ذہانت اور سائبر سیکوریٹی میں اسرائیل کی گلوبل لیڈر شپ کا اعتراف کرتے ہوئے ریاستی وزیر نے ان دو شعبہ جات میں تلنگانہ کو فائدہ پہونچانے پر زور دیا۔ انہوں نے دفاع‘ زراعت‘ واٹر منیجمنٹ‘ اڈوانسڈ ٹکنالوجیز اور صنعتی ترقی میں اسرائیل سے تعاون کی درخواست کی جس پر سفیر ریوون ازار نے مثبت ردِعمل کا اظہار کیا۔

 سریدھر بابو نے حیدرآباد میں 200 ایکڑ اراضی پر محیط مصنوعی ذہانت‘ شہر کے قیام کے منصوبہ سے سفیر کو مختصراً واقف کرایا۔