تلگو ریاستوں میں سبزیوں کی قیمتوں میں بھاری گراوٹ۔ ٹماٹر 10 روپے کلو تک پہنچ گیا
تلگو ریاستوں تلنگانہ اور آندھرا پردیش کے عوام کے لئے ایک بڑی راحت کی خبر ہے۔ پچھلے کچھ دنوں سے سبزیوں کی قیمتوں میں نمایاں کمی دیکھی جا رہی ہے جس سے عام آدمی کے ماہانہ بجٹ پر بوجھ کم ہوا ہے۔ خاص طور پر ٹماٹر، گاجر اور بیٹ روٹ کی قیمتیں کافی کم ہوگئی ہیں۔
حیدرآباد: تلگو ریاستوں تلنگانہ اور آندھرا پردیش کے عوام کے لئے ایک بڑی راحت کی خبر ہے۔ پچھلے کچھ دنوں سے سبزیوں کی قیمتوں میں نمایاں کمی دیکھی جا رہی ہے جس سے عام آدمی کے ماہانہ بجٹ پر بوجھ کم ہوا ہے۔ خاص طور پر ٹماٹر، گاجر اور بیٹ روٹ کی قیمتیں کافی کم ہوگئی ہیں۔
دو ماہ قبل تک جو ٹماٹر 30 سے 40 روپے فی کلو فروخت ہو رہا تھا، اب وہ صرف 10 روپے میں دستیاب ہے۔ اسی طرح100 روپے کلو تک بکنے والی گاجر اور بیٹ روٹ اب بازاروں میں 20سے 30 روپے کے درمیان مل رہے ہیں۔رعیتو بازاروں میں یہ قیمتیں مزید کم ہیں۔
رعیتو بازاروں میں سبزیوں کی تازہ قیمتیں (فی کلو) اس طرح ہیں۔ ٹماٹر 10 روپے، ہری مرچ 60 روپے، آلو 16 روپے، پیاز 18 روپے، گاجر 20 روپے، بند گوبھی 12 روپے، بیٹ روٹ 15 روپے، پھول گوبھی 25 روپے، بھنڈی 28 روپے، کریلا 38 روپے، ترائی 40 روپے اور ککڑی 18 روپے فی کلو دستیاب ہے۔
وجئے واڑہ میں بھی قیمتیں کنٹرول میں ہیں۔ وہاں ٹماٹر 10 روپے، بیگن 20 روپے، بھنڈی 24 روپے اور ہری مرچ 44 روپے فی کلو کے حساب سے فروخت ہو رہی ہے۔ کدو کی قیمت وہاں صرف 10 روپے تک گر گئی ہے جبکہ آلو 23 روپے اور پیاز 22 روپے میں دستیاب ہیں۔
سبزیوں کی اس بڑی سپلائی کی وجہ سے بازاروں میں گہما گہمی بڑھ گئی ہے اور متوسط طبقہ کے خاندانوں نے راحت کی سانس لی ہے۔ ماہرین کا کہنا ہے کہ آنے والے کچھ دنوں تک قیمتیں اسی طرح مستحکم رہنے کی امید ہے۔
