مال میں خاتون کی جنسی ہراسانی کا ویڈیو وائرل، پولیس تحقیقات کا آغاز (ویڈیو)

بنگلورو: بنگلورو کے ایک مال میں ایک معمر شخص کی جانب سے نوجوان خاتون کی جنسی ہراسانی کا ویڈیو سوشل میڈیا پر وائرل ہوگیا جس کے بعد پولیس نے تحقیقات کا آغاز کردیا۔

ویڈیو میں نظر آرہا ہے کہ معمر ملزم‘ پُرہجوم مال کے کھیلوں کے زون میں عمداً خاتون کی پشت کو ہاتھ لگارہا ہے۔ ویڈیو میں یہ شخص عمداً بدتمیزی کے بعد دوسری جگہ جاتا نظرآرہا ہے۔

خاتون نے اس بدتمیزی پر کوئی احتجاج نہیں کیا۔ یہ ویڈیو انسٹا گرام اکاؤنٹ پر اپ لوڈ کیا گیا جو سوشل میڈیا پر وائرل ہوگیا۔ اپ لوڈر نے کہا کہ یہ واقعہ مشہور لولو مال میں پیش آیا۔

اس نے کہا کہ آج شام ساڑھے چھ بجے بنگلورو کے لولو مال میں یہ واقعہ ریکارڈ کیا۔ ویڈیو میں موجود شخص یہ حرکت آس پاس کے خواتین اور لڑکیوں کے ساتھ کررہا ہے۔

اس نے کہا کہ پہلے میں نے اسے بے حد پُرہجوم علاقہ میں دیکھا۔ مجھے اس پر شبہ ہوا اور ویڈیو ریکارڈ کرتے ہوئے اس کا تعاقب کیا۔ پھر مجھے یہ ملا۔ سیکورٹی سے اس کی شکایت کی پھر جب ہم اس کی تلاش میں یہاں آئے تو وہ غائب تھا۔

لہٰذا ہم نے مال کے مینجمنٹ اور سیکورٹی کو اطلاع دی۔ انہوں نے کہا کہ وہ اس شخص کوتلاش کرکے کارروائی کریں گے۔

شرم آتی ہے ایسی لوگوں پر۔“ علاقہ کی مگاڈی روڈ پولیس نے ویڈیو حاصل کرکے ابتدائی تحقیقات کا آغاز کردیا۔