چچا زاد بھائیوں کے درمیان تشدد، ایک بھائی کی موت، دوسرا زخمی

باگیشور/نینی تال: اتراکھنڈ کے ضلع باگیشورکے کپکوٹ میں اجتماعی پوجا کی تقریب کے دوران چچا زاد بھائیوں کے درمیان پرتشدد واقعہ میں ایک بھائی کی موت ہو گئی جبکہ دوسرا شدید زخمی ہو گیا۔

پولیس کو شکایت موصول ہوگئی ہے اور حملہ آوروں کے خلاف مقدمہ درج کیا جارہا ہے۔

باگیشور کے پولیس سپرنٹنڈنٹ ہمانشو ورما نے بتایا کہ یہ واقعہ کپکوٹ پولیس اسٹیشن کے ہرسنگیا بگڑ گاؤں کے بمن کھیت توک میں اتوار کی رات پیش آیا۔ بتایا جا رہا ہے کہ گاؤں میں مقامی گھنیالی دیوتا کی اجتماعی پوجا کی تقریب چل رہی تھی۔

اس دوران چنچل سنگھ اور مہیش سنگھ کا اپنے چچازاد بھائیوں شنکرسنگھ کورنگا اور خوشحال سنگھ سے جھگڑا ہوگیا۔ جھگڑا پرتشدد تصادم میں بدل گیا۔ اس دوران چنچل سنگھ اور مہیش سنگھ نے اپنے چچازاد بھائیوں پرتیز دھار ہتھیاروں سے حملہ کر دیا۔ اس میں شنکر سنگھ کورنگا کی موقع پر ہی موت ہو گئی جبکہ چنچل سنگھ شدید زخمی ہو گیا۔

اس واقعہ کے بعد گاؤں میں افراتفری مچ گئی۔ لوگوں نے بمشکل زخمی کو کپکوٹ اسپتال پہنچایا۔ علاج کے بعد شدید زخمی کو ہائر سنٹر ریفر کر دیا گیا ہے۔ اس کے ساتھ ہی پولیس کو اطلاع دی گئی۔

مسٹرورما نے بتایا کہ پولیس کو شکایت موصول ہوئی ہے۔ پولیس نے موقع پر پہنچ کر لاش کو تحویل میں لے لیا۔ حملہ آوروں کے خلاف مقدمہ درج کیا جا رہا ہے۔ انہوں نے کہا کہ ملزمان کو جلد گرفتار کر لیا جائے گا۔