بچوں میں میوزک کے ذریعہ خوف کم کرنے والی لڑکی کی ویڈیو وائرل

غزہ: اسرائیلی حملوں سے خوفزدہ بچوں میں جنگی جہازوں کا خوف کم کرنے کے لئے فلسطینی لڑکی کی میوزک بجانے کی ویڈیو وائرل ہوگئی۔

اسرائیل کی غزہ میں بربریت کی وجہ سے لاکھوں فلسطینی بے گھر ہوچکے ہیں جو اپنی جانیں بچانے کے لیے مختلف علاقوں میں خانہ بدوشی کی زندگی گزارنے پر مجبور ہیں۔

غزہ میں سر پر ہر وقت اڑتے جنگی جہازوں کی گھن گرج نے بچوں کے دلوں میں خوف پیدا کررکھا ہے ایسے میں پناہ گزینوں کے کیمپ رفح میں ایک لڑکی ایسی بھی ہے جو بچوں کے مرجھائے چہروں پر مسکراہٹ بکھیر رہی ہے۔

رویا حسونہ‘مشرقِ وسطیٰ میں بجائے جانے والے گٹار نما میوزک انسٹرومنٹ ”اوڈ“ کی ماہر ہیں اور وہ اپنے اس فن سے بچوں میں جنگی جہازوں کا شور اور اس کے خوف کو کم کرنے کی کوشش کررہی ہیں۔