ویراٹ کوہلی‘ سب سے زیادہ ٹیکس ادا کرنے والے کھلاڑی

نئی دہلی: فارچیون انڈیا کی طرف سے جاری کردہ فہرست کے مطابق ہندوستانی کرکٹ ٹیم کے سابق کپتان ویراٹ کوہلی مالی سال 2023-24 میں ملک میں سب سے زیادہ ٹیکس ادا کرنے والے کھلاڑی ہیں۔ رپورٹ میں دعویٰ کیا گیاہے کہ کوہلی، ہندوستان کے اعلیٰ کھیلوں کے آئیکان میں سے ایک، نے مالی سال 2023-24 میں 66 کروڑ روپے ادا کیے۔

 یہ رقم آئی پی ایل کے سب سے مہنگے کھلاڑی مچل اسٹارک (24.75 کروڑ روپے) کی قیمت فروخت سے تقریباً تین گنا زیادہ ہے۔ مجموعی طورپر مشہور شخصیات کی بات کریں تو ان سے صرف شاہ رخ خان (92 کروڑ)، وجے (80 کروڑ)، سلمان خان (75 کروڑ) اور امیتابھ بچن (71 کروڑ) ہیں۔ کوہلی گزشتہ ماہ سری لنکا کے خلاف ونڈے سیریز کھیلنے کے بعد کرکٹ سے بریک پر ہیں۔

 وہ ہندوستان کی سب سے زیادہ ٹیکس ادا کرنے والی مشہور شخصیات کی فہرست میں کھیلوں کی دیگر شخصیات سے آگے ہیں۔ اس فہرست میں آئندہ سب سے زیادہ ٹیکس ادا کرنے والے اسپورٹس آئیکن ایم ایس دھونی ہیں۔ دو بار ورلڈکپ جیتنے والے سابق ہندوستانی کپتان نے گزشتہ مالی سال میں 38 کروڑ روپے کی رقم ادا کرنے کے بعد مجموعی طورپر مشہور شخصیات کی فہرست میں ساتویں پوزیشن حاصل کی ہے۔

تاہم کوہلی دھونی سے دگنا ٹیکس ادا کرتے ہیں۔ دھونی نے 2020 میں بین الاقوامی کرکٹ سے ریٹائرمنٹ لے لی۔ تاہم وہ سب سے زیادہ معاوضہ لینے والے ہندوستانی کھلاڑیوں میں سے ایک ہیں۔ اب وہ انڈین پریمیر لیگ (آئی پی ایل) میں صرف چینائی سوپر کنگز کیلئے کھیلتے ہیں۔

 وہ آئندہ سیزن میں کھیلیں گے یا نہیں اس پر ابھی تک سسپنس برقرار ہے۔ کوہلی اور دھونی کے بعد ماسٹر بلاسٹر سچن ٹنڈولکر واحد دوسرے ہندوستانی کھلاڑی ہیں جو سب سے زیادہ ٹیکس ادا کرنے والی مشہور شخصیات کی ٹاپ 10 فہرست میں شامل ہیں۔

 سچن نے مالی سال 2023-24 میں کل 28 کروڑ روپے ٹیکس ادا کئے ہیں۔ سابق کپتان اور بی سی سی آئی کے صدر سورو گنگولی اس فہرست میں 12ویں نمبر پر ہیں۔ گنگولی نے 23 کروڑ روپے ٹیکس ادا کیا۔

 ہندوستانی ٹیم کے موجودہ اسٹار ہاردک پانڈیا اور رشبھ پنت بھی اس فہرست میں شامل ہیں۔ آل راؤنڈر ہاردک نے 13 کروڑ روپے ٹیکس ادا کئے جبکہ وکٹ کیپر بلے باز پنت، جو طویل مدتی انجری کے بعد ٹسٹ میں واپسی کی کوشش کررہے ہیں، نے 10 کروڑ روپے ٹیکس ادا کیا۔