حیدرآباد

حیدرآباد میں موسم اچانک تبدیل، کئی علاقوں میں موسلادھار بارش (ویڈیو)

شدید بارش کی پیش قیاسی کے پیش نظر حکومت نے عوام کو محتاط رہنے کا مشورہ دیا ہے۔ محکمہ موسمیات کا کہنا ہے شہر کے کچھ علاقوں میں تیز بارش ہونے کا امکان ہے۔

حیدرآباد: محکمہ موسمیات نے پیش قیاسی کی ہے کہ حیدرآباد میں تیز بارش کا ا مکان ہے۔ حیدرآباد میں صبح سے گرمی کی شدت برقرارتھی لیکن شہر کا موسم دوپہر ایک بجے سے تبدیل ہوگیا۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
41 برسوں کے بعد کسی وزیراعظم کا دورہ عادل آباد
تلنگانہ میں ٹی ایس کے بجائے ٹی جی استعمال کی ہدایت، احکام جاری
تلنگانہ میں آئندہ 24 گھنٹے میں تیز ہوائیں چلنے کا امکان
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ

دوپہر ایک دوبجے کے قریب آسمان پر بادل چھاگئے اور اچانک کچھ دیر کیلئے تیز بارش ہوئی۔ شہر میں کہیں کہیں مقامات پر موسلادھار بارش ہوئی۔ تاہم محکمہ موسمیات نے انتباہ  دیا ہے کہ جمعرات کی شام شدید بارش کا امکان ہے۔

شدید بارش کی پیش قیاسی کے پیش نظر حکومت نے عوام کو محتاط رہنے کا مشورہ دیا ہے۔ محکمہ موسمیات کا کہنا ہے شہر کے کچھ علاقوں میں تیز بارش ہونے کا امکان ہے۔

شہر کئی علاقوں کرمان گھاٹ، چمپا پیٹ، ایل بی نگر،ناگول، دلسکھ نگر، فلک نما، تاڑبن، سعید آباد، سنتوش نگر اور ملک پیٹ میں بارش ہوئی۔

محکمہ موسمیات نے کہاکہ حیدرآباد کے کئی علاقوں میں ہونے والی بارش سے کچھ ہی دیر میں پورے شہر میں بارش ہونے کا امکان ہے۔ محکمہ موسمیات نے کہاکہ نہ صرف حیدرآباد میں بلکہ تلنگانہ کے تمام اضلاع میں بھی بارش کا امکان ہے۔ محکمہ موسمیات کے حکام کا کہنا ہے کہ آئندہ دو گھنٹوں میں متعلقہ اضلاع میں بارش کا امکان ہے۔