الانصار فاؤنڈیشن کے زیر اہتمام ہفتہ وار درس قرآن

حیدرآباد: الانصار فاؤنڈیشن حیدرآباد کی جانب سے جامع مسجد محبوبیہ، ریاست نگر مارکٹ میں ہفتہ وار سلسلہ وار درس قرآن کی 123 ویں نشست کا انعقاد اتوار 15 ستمبر 2024ء کو بعد نماز مغرب کیا جائے گا۔

اس ہفتہ وار درس قرآن میں مفسر قرآن حضرت علامہ مفتی حافظ محمد وجیہ اللہ سبحانی نظامی نقشبندی قادری چشتی، امام مسجد محبوبیہ اور خطیب رضیہ مسجد ملک پیٹ، درس دیں گے۔ مولانا قاضی ابواللیث شاہ محمد غضنفر علی قریشی اسد ثنائی، صدر نشین الانصار فاؤنڈیشن اور خطیب جامع مسجد محبوبیہ، اس نشست کی نگرانی کریں گے۔

درس کا آغاز قاری محمد تراب علی قریشی، نائب امام مسجد محبوبیہ کی قرأت و نعت سے ہوگا۔ فاؤنڈیشن کے عہدے داران اور جامع مسجد محبوبیہ کے ذمہ داران نے عوام الناس سے درخواست کی ہے کہ وہ کثیر تعداد میں شرکت کریں اور اس علمی محفل سے استفادہ حاصل کریں۔

٭٭٭