مندر میں درشن کے بعد واپسی کے دوران آٹو پل سے گرگیا۔4افرادہلاک

حیدرآباد: بھدراچلم مندر میں درشن کے بعد واپسی کے دوران تلنگانہ کے ضلع بھدرادری کوتہ گوڑم میں پیش آئے سڑک حادثہ میں 4افراد ہلاک ہوگئے۔

حادثہ کا مقام دلخراش منظرپیش کررہا تھا۔ اس حادثہ میں چار افرادہلاک ہوگئے۔

پولیس کے مطابق یہ حادثہ ضلع برگمپاڈو منڈل کے نواحی علاقہ میں کل شب آندھرا پردیش۔

تلنگانہ کی سرحد پر اُ س وقت پیش آیا جب ایک آٹو چلانے والے نے اس کا توازن کھودیا اور یہ آٹو پل سے نیچے گر گیا۔

اس حادثہ میں چار افراد ہلاک ہو گئے۔حادثہ کے وقت آٹو میں 8افراد سوار تھے جن میں سے دو شدید زخمی ہوگئے۔

مہلوکین کا تعلق اے پی کے ایلورو ضلع کے تروملا دیوی پیٹ گاؤں سے ہے۔

اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا اورزخمیوں کو علاج کیلئے اسپتال منتقل کیا۔پولیس نے اس خصوص میں ایک معاملہ درج کرلیا۔