یوکرین کو جوہری ہتھیار واپس کرنے پر غور نہیں: وائٹ ہاؤس

واشنگٹن: امریکہ کے قومی سلامتی کے مشیر جیک سلیوان نے کہا ہے کہ امریکہ یوکرین کو روایتی ہتھیار دستیاب کرانے پر توجہ مرکوز کررہا ہے لیکن وہ ملک کو جوہری ہتھیارلوٹانے کے امکان پر غور نہیں کررہا ہے۔

مشیر سلیوان نے اتوار کو اے بی سی کے دِس ویک پروگرام میں بتایا، ’’وہ یوکرین کو جوہری ہتھیار واپس کرنے کے امکان پر غور نہیں کررہا ہے۔ ہم یوکرین کو مختلف روایتی صلاحیتیں فراہم کر رہے ہیں تاکہ وہ مؤثر طریقے سے اپنا دفاع کر سکے۔”

نیویارک ٹائمز نے گزشتہ ہفتے رپورٹ میں بتایا کچھ امریکی اور یورپی حکام مبینہ طور پر یوکرین کو جوہری ہتھیار واپس کرنے کی تجویز دے رہے تھے۔

روسی صدارتی دفتر کریملن کے ترجمان دمتری پیسکوف نے کہا کہ یوکرین میں جوہری ہتھیاروں کی تعیناتی کے امکان کے بارے میں گفتگو غیر ذمہ دارانہ ہے اور حقیقت کو کم سمجھنے والے لوگ اس کی تشہیر کر رہے ہیں۔