اب کی بار کس کی سرکار؟
کیا ملک میں تیسری بار 'مودی سرکار' آنے والی ہے یا کوئی ہلچل مچے گی؟ اپوزیشن اتحاد 'انڈیا' بھی اس بار جیت کا دعویٰ کر رہی ہے۔ ملک میں اگلی حکومت کس کی بنے گی یہ تو 4 جون کو ہی پتہ چلے گا۔
نئی دہلی: لوک سبھا انتخابات 2024 کے تمام 7 مراحل مکمل ہوگئے ہیں۔ لوک سبھا کی 543 سیٹوں کے نتائج ای وی ایم میں قید ہوگئے ہیں۔ اب عوام یہ جاننے کے لیے بے صبری سے انتظار کر رہے ہیں کہ ملک میں اگلی حکومت کس کی بننے جا رہی ہے؟
کیا ملک میں تیسری بار ‘مودی سرکار’ آنے والی ہے یا کوئی ہلچل مچے گی؟ اپوزیشن اتحاد ‘انڈیا’ بھی اس بار جیت کا دعویٰ کر رہی ہے۔ ملک میں اگلی حکومت کس کی بنے گی یہ تو 4 جون کو ہی پتہ چلے گا لیکن ایگزٹ پول کے نتائج بہت کچھ واضح کر دیں گے۔
بی جے پی نے لوک سبھا انتخابات 2019 میں توقع سے بہتر کارکردگی کا مظاہرہ کیا تھا۔ تب بی جے پی نے 303 سیٹیں جیتی تھیں۔ وہیں کانگریس نے صرف 52 سیٹیں جیتی تھیں۔
وائی آر ایس سی پی اور ڈی ایم کے کو 23، ترنمول کانگریس کو 22 اور شیوسینا کو 18 سیٹیں ملیں۔ جے ڈی یو نے 16، سماج وادی پارٹی نے 5 اور بی ایس پی نے 10 سیٹیں جیتی ہیں۔
