وائی ایس آر کیٹیکچر یونیورسٹی کو منظوری کیوں نہیں ملی؟ شرمیلا کا سابق حکومت پر سوال

حیدرآباد: اے پی کانگریس کی سربراہ وائی ایس شرمیلا نے سابق حکومت سے سوال کیا کہ کڑپہ ضلع میں واقع ائی ایس آر آرکیٹیکچر یونیورسٹی کی "کونسل آف آرکیٹیکچر” سے منظوری کیوں حاصل نہیں کی گئی ۔

گزشتہ ایک ہفتہ سے یونیورسٹی کے طلبہ جو احتجاجی دھرنے پر بیٹھے ہیں، ان سے اظہارِ یکجہتی کے لیے شرمیلا خود موقع پر پہنچیں۔ انہوں نے طلبہ سے ملاقات کرتے ہوئے ان کے مسائل سنے اور ان کے ساتھ انصاف کا وعدہ کیا۔

شرمیلا نے کہا کہ پانچ سال تک طلبہ نے جو تعلیم حاصل کی، اسے غیر تسلیم شدہ قرار دینا انتہائی افسوسناک اور ناانصافی پر مبنی ہے۔ انہوں نے کہا کہ یہ طلبہ کے مستقبل کے ساتھ کھلواڑ ہے۔

انہوں نے ریاستی حکومت سے مطالبہ کیا کہ فوری طور پر مرکز سے مذاکرات کرے اور طلبہ کو درپیش مسئلہ کا مستقل حل تلاش کیا جائے۔