سرمائی پارلیمانی اجلاس، دسمبر کے دوسرے ہفتہ میں متوقع

نئی دہلی: پارلیمنٹ کا سرمائی اجلاس دسمبر کے دوسرے ہفتہ میں شروع ہونے کا امکان ہے اور یہ کرسمس سے پہلے ختم ہوسکتا ہے۔

ذرائع نے آج یہ بات بتائی۔ انہوں نے کہاکہ3 دسمبر کو 5 ریاستوں کے ووٹوں کی گنتی کے بعد یہ سیشن شروع ہوسکتا ہے۔

سیشن کے دوران 3 کلیدی بلوں پر غورو خوض کیا جائے گا جن کے ذریعہ تعزیرات ہند‘ ضابطہ فوجداری اور ایویڈنس ایکٹ کو تبدیل کرنے کا منصوبہ ہے۔

سرمائی اجلاس عموماً نومبر کے تیسرے ہفتہ میں شروع ہوتا ہے اور 25 دسمبر سے پہلے ختم ہوجاتا ہے۔ پارلیمنٹ میں زیرالتوا ایک اور کلیدی بل چیف الیکشن کمشنر اور الیکشن کمشنرس کے تقررات سے متعلق ہے۔