حیدرآباد کے ایل بی نگر بس ڈپوکے قریب خاتون کنڈکٹرس نے احتجاج کیا

حیدرآباد: شہرحیدرآباد کے ایل بی نگر بس ڈپوکے قریب خاتون کنڈکٹرس نے احتجاج کیا۔انہوں نے الزام لگایا کہ خاتون کنڈکٹر سری ودیاکی خودکشی کیلئے اعلی عہدیدار ذمہ دار ہیں۔

انہوں نے اس واقعہ کیلئے ذمہ دار عہدیداروں کے خلاف کارروائی کامطالبہ کیا۔ناگول بنڈلہ گوڑہ ڈپو میں سری ودیا ملازمت کرتی تھی۔

دو دن پہلے اس نے نیند کی گولیاں کھالی تھی جس کے بعد اس کو علاج کے لئے اسپتال منتقل کیاگیا تھا جہاں علاج کے دوران اس کی موت ہوگئی تھی۔

انہوں نے ودیا کے ارکان خاندان سے انصاف کامطالبہ کیا اور انتباہ دیا کہ اس واقعہ کے ذمہ دار عہدیداروں کے خلاف کارروائی کرنے تک یہ احتجاج جاری رہے گا۔