آوٹررنگ روڈ پر سائیکل ٹریک کا کام تیزی سے جاری

حیدرآباد: شہرحیدرآباد کی آوٹررنگ روڈ پر سائیکل ٹریک کے کام جاری ہیں۔اس بات کی اطلاع سوشیل میڈیا کے اہم پلیٹ فارم پر سرگرم اسپیشل چیف سکریٹری محکمہ بلدی نظم ونسق و شہری ترقی تلنگانہ اروندکمار نے بذریعہ ٹوئیٹ دیتے ہوئے کہا کہ سائیکل ٹریک کے لئے سرسبزی وشادابی،لینڈ اسکیپنگ کا کام شروع ہوگیا ہے۔

سولار پینلنگ کے کام کو حتمی شکل دیدی گئی ہے اور آئندہ دس دنوں میں کام شروع کردیئے جائیں گے۔اس کی تکمیل کے بعد یہ ہندوستان میں اپنی نوعیت کا پہلا سائیکل ٹریک ہوگا۔انہوں نے اس ٹوئیٹ کے سلسلہ میں وزیربلدی نظم ونسق کے تارک راما راو کو ٹیگ بھی کیا۔