نوجوان نے گلا کاٹ کر کی خودکشی

جانجگیر: چھتیس گڑھ کے جانجگیر چامپا ضلع کے کیرا روڈ پر جمعہ کو ایک نوجوان نے چاقو سے اپنا گلا کاٹ کر خود کشی کرلی۔

پولیس کے مطابق نوجوان دیپک داس بار بار گلا کاٹنے کی بات کرتا تھا۔ وہ شراب کا عادی بھی تھا اور ذہنی طور پر پریشان بھی۔ دیپک داس مہنت کوربا میں اپنے سسرال میں رہتا تھا اور ڈرائیور کے طور پر کام کرتا تھا۔

وہ اپنی بیوی کے ساتھ اپنی والدہ سے ملاقات کے لیے جانجگیر آیا ہوا تھا۔ اس کے بعد اس نے کل کیرا روڈ میں واقع اپنے گھر میں اپنا گلا کاٹ لیا۔

اسے تشویشناک حالت میں ضلع اسپتال لایا گیا، جہاں ڈاکٹر نے اسے مردہ قرار دے دیا۔ لاش کو مردہ خانے میں رکھوا دیا گیا ہے جہاں آج پوسٹ مارٹم کیا جائے گا۔ فی الحال معاملے میں اہل خانہ کا بیان لیا جا رہا ہے اور سٹی کوتوالی پولیس معاملے کی جانچ میں مصروف ہے۔