وائی ایس شرمیلا کو پولیس نے حراست میں لے لیا

حیدرآباد: تلنگانہ میں خواتین کے خلاف جرائم کے واقعات میں اضافہ کا الزام لگاتے ہوئے منہ پر سیاہ پٹی باندھ کرخاموش احتجاج کرنے پر وائی ایس آرتلنگانہ پارٹی کی سربراہ وائی ایس شرمیلا کو حیدرآباد کے ٹینک بنڈ پر تحویل میں لے لیاگیا۔

شرمیلا، اپنی پارٹی کی کارکنوں کے ساتھ رانی ردرماں دیوی کے مجسمہ کے قریب یہ احتجاج کررہی تھیں۔ اس احتجاج کے لئے قبل ازیں اجازت نہ لینے پر شرمیلا کو ان کی پارٹی کارکنوں اور حامیوں کے ساتھ حراست میں لے کر مختلف پولیس اسٹیشنوں کو منتقل کردیاگیا۔