زینت امان سوشل میڈیا کے ذریعہ سماجی مسائل پر اپنی آواز اُٹھائیں گی

ممبئی: بالی ووڈ اداکارہ زینت امان کا کہنا ہے کہ وہ سوشل میڈیا کے ذریعے ضروری سماجی مسئلوں پر اپنی آواز اٹھائیں گی۔ زینت امان نے حال ہی میں انسٹا گرام پر ڈیبیو کیا ہے۔

زینت امان نے اپنے انسٹا گرام ہینڈل پر پوسٹ شیئر کرتے ہوئے اپنے مداح کے لئے بے حد ایموشنل نوٹ شیئر کیا ہے۔ فوٹو میں زینت کتاب کے ساتھ پوز دیتے ہوئے نظر آ رہی ہیں۔ زینت امان نے بتایا کہ وہ سوشل میڈیا کے ذریعے سماجی امور پر اپنی آواز اٹھائیں گی۔

زینت امان نے پوسٹ شیئر کرتے ہوئے لکھا، اب اس پیج پر 81 ہزارسے زیادہ لوگ جڑ چکے ہیں اور میں آپ کے کمینٹ، شیئر، میسج اور پیار سے بہت متاثر ہوں۔ لکھنے والے ہر ایک شخص کو جواب دینا میرے لئے ممکن نہیں ہے، لیکن میں آپ کے میسج کو دیکھتی ہوں اور ان کی تعریف بھی کرتی ہوں۔

آپ سبھی کا اس پیار کے لئے بہت بہت شکریہ۔ گزشتہ کچھ ہفتوں میں اور میری ٹیم کے لوگ اکثر یہ بات کرتے ہیں کہ میرے میڈیا پر آنے کا کیا مقصد ہے؟ ساتھ ہی ہم اس پر بھی بات کرتے ہیں کہ انسٹا گرام پر ہم فوٹو، کام یا یادیں شیئر کرنے کے علاوہ اور کیا کرسکتے ہیں؟۔

 سچ کہوں تو مجھے ایسا لگتا ہے کہ ہم سوشل میڈیا کے ذریعے ان مدوں کو ہائی لائٹ کر سکتے ہیں، جو آج کے سماج کے لئے بے حد ضروری ہیں۔ جانوروں کی بھلائی یقینی طورپر ایک ایسی چیز ہے، جس کے بارے میں سوشل میڈیا پر ضرور بات کروں گی‘۔