ذیشان صدیقی کا سیکوریٹی گارڈ معطل
رکن اسمبلی ذیشان صدیقی کی سیکوریٹی پر لگائے گئے ایک کانسٹیبل کو معطل کردیا گیا کیونکہ وہ علاقہ کے ڈی سی پی کے اچانک معائنہ کے دوران وہاں سے غائب تھا جہاں اسے ڈیوٹی پر موجود ہونا چاہئے تھا۔
ممبئی (پی ٹی آئی) رکن اسمبلی ذیشان صدیقی کی سیکوریٹی پر لگائے گئے ایک کانسٹیبل کو معطل کردیا گیا کیونکہ وہ علاقہ کے ڈی سی پی کے اچانک معائنہ کے دوران وہاں سے غائب تھا جہاں اسے ڈیوٹی پر موجود ہونا چاہئے تھا۔
باندرہ ایسٹ کے رکن اسمبلی ذیشان صدیقی کے والد اور سابق ریاستی وزیر بابا صدیقی کو 12 اکتوبر کو نرمل نگر علاقہ میں گولی مارکر ہلاک کردیا گیا تھا۔
یہ واقعہ قومی سرخیوں میں آیا تھا جس کے بعد ذیشان صدیقی کی سیکوریٹی بڑھادی گئی تھی تاہم رکن اسمبلی نے حال میں زونل ڈپٹی کمشنر پولیس سے ملاقات کی تھی اور اپنی سیکوریٹی پر ناراضگی کا اظہار کیا تھا جس کے بعد ڈی سی پی نے سیکوریٹی کور کا جائزہ لینے ذیشان صدیقی کی رہائش گاہ کا دورہ کیا اور دیکھا کہ کانسٹیبل وشال اشوک تھنگے ڈیوٹی پر موجود ہی نہیں ہے۔
ابتدائی تحقیقات کے بعد اسے معطل کردیا گیا۔ غور طلب ہے کہ بابا صدیقی کے قتل کے بعد کانسٹیبل شیام سوناوانے کو معطل کردیا گیا تھا۔ وہ بابا صدیقی کی سیکوریٹی پر مامور تھا۔
