پیدل حج کیلئے روانہ ہونے والے محمد شہاب کی درگاہ اجمیر میں حاضری
اب تک محمد شہاب نے تقریبا 2000 کلومیٹر کا سفر طے کرلیا ہے۔ پورے راستے میں سینکڑوں لوگوں کا ہجوم ان کی ایک جھلک دیکھنے امڈ رہا ہے۔ روپن گڑھ میں بھی ان کے لیے پولس کے ذریعہ سخت انتظامات کیے گئے تھے۔
اجمیر: کیرالا سے پیدل حج پر روانہ ہونے والے عازم حج محمد شہاب آج راجستھان کے اجمیر ہوتے ہوئے روپن گڑھ پہنچے۔ اپنے مضبوط اراد کے ساتھ پیدل سفر حج کے جذبے سے وہ 2023 کے حج کے لیے چل پڑے ہیں، جس کے لیے انہيں ہندوستان سمیت چار ممالک کا احاطہ کرتے ہوئے 8600 کلومیٹر کا سفر طے کرنا پڑے گا۔
اب تک انہوں نے تقریبا 2000 کلومیٹر کا سفر طے کرلیا ہے۔ پورے راستے میں سینکڑوں لوگوں کا ہجوم ان کی ایک جھلک دیکھنے امڈ رہا ہے۔ روپن گڑھ میں بھی ان کے لیے پولس کے ذریعہ سخت انتظامات کیے گئے تھے۔ اسٹیشن آفیسر ایوب خان نے خود مورچہ سنبھال لیا ہے۔
شہاب اجمیر میں درگاہ پر جانے کے بعد کشن گڑھ-ہنومان گڑھ میگا ہائی وے کے ذریعے پنجاب کی طرف رواں دواں ہیں۔ بتایا جا رہا ہے کہ وہ واگھہ بارڈر کے راستے پاکستان میں داخل ہوں گے اور پھر ایران کے راستے عرب خطے میں داخل ہو کر حج کی سعادت حاصل کریں گے۔
قابل ذکر ہے کہ شہاب نے 15 اگست یوم آزادی کی شام اجمیر میں خواجہ صاحب کی درگاہ کی زیارت کرکے امن، سکون اور خوشحالی کی دعا کی۔ اس دوران بھی زائرین کا ہجوم درگاہ میں ان کی ایک جھلک دیکھنے جمع تھا۔
