مہیشورم میں اربن فاریسٹ پارک کا افتتاح

حیدرآباد: تلنگانہ کے وزراء اندراکرن ریڈی اور سبیتا اندرا ریڈی نے رنگاریڈی ضلع کے مہیشورم منڈل میں اربن فاریسٹ پارک کا افتتاح کیا۔

بعد ازاں وزراء، عہدیداروں اور دیگر عوامی نمائندوں نے سرسبزی وشادابی کے پروگرام ہریتا ہارم کے حصہ کے طورپر پودے لگائے۔

اس موقع پر وزراء نے کہا کہ چیف منسٹر کے خیالات کے مطابق شہروں اور قصبوں کے قریب ریزرو فاریسٹ علاقوں میں اربن فاریسٹ پارکس کو تیار کیا جا رہا ہے۔

ان پارکس میں عوام کیلئے مختلف سہولیات فراہم کی جارہی ہیں تاکہ انہیں ذہنی مسرت کے ساتھ خوشگوار ماحول فراہم کیا جائے۔