آٹو ڈرائیور نے غصے میں چلتی موٹر سائیکل کو ٹکر ماری۔ (خوش قسمت نوجوان کی ویڈیو دیکھیں)

ممبئی: سڑکوں پر لوگوں کے درمیان ہونے والی ذرا سی تلخ کلامی کسی کی جان بھی لے سکتی ہے۔ سڑک پر ہونے والی بحث کے بعد آٹو رکشہ ڈرائیور نے جان بوجھ کر موٹر سائیکل سوار نوجوان کو ٹکر مار کر گرا دیا۔

ڈرائیور کی اس حرکت سے نوجوان کی جان خطرے میں پڑسکتی تھی۔

سوشل میڈیا پر وائرل ہونے والی ویڈیو میں سڑک کے بیچ میں ایک موٹر سائیکل سوار نوجوان ایک آٹو ڈرائیور سے کسی بات پر بحث کررہا تھا یہ سار امنظر اس کے پیچھے گاڑی پر موجود ایک شخص نے اپنے کیمرے میں محفوظ کرلیا۔

تلخ کلامی کے بعد جب موٹر سائیکل سوار نوجوان جانے لگا تو پیچھے سے آٹو ڈرائیور نے غصے میں چلتی موٹر سائیکل کو سائیڈ سے زور دار ٹکر ماری جس کے نتیجے میں نوجوان بیچ سڑک پر گر پڑا لیکن خوش قسمتی سے پیچھے کوئی گاڑی نہیں تھی جس کی وجہ سے اس کی جان بچ گئی۔

نوجوان بڑے حادثہ سے بال بال بچ گیا۔ناظرین نے اپنے کمنٹس میں ڈرائیور کی اس حرکت پر غصے کا اظہار کیا۔