ایران جوہری ہتھیار حاصل کرتا ہے تو ہمیں بھی کرنے ہوں گے: سعودی ولی عہد

ریاض: سعودی عرب کے ولی عہد شہزادہ محمد بن سلمان نے کہا ہے کہ اسرائیل کے ساتھ تعلقات کو معمول پر لانے کی طرف تیزی سے آگے بڑھ رہے ہیں اور خبردار کیا کہ اگر ایران جوہری ہتھیار حاصل کرتا ہے تو ہم بھی حاصل کریں گے۔

ڈان میں شائع غیر ملکی خبر رساں ایجنسی کی رپورٹ کے مطابق‘فاکس نیوز’کو انٹرویو کے دوران جب محمد بن سلمان سے طویل عرصے سے دشمن اسرائیل اور سعودی عرب کے درمیان سفارتی تعلقات کھولنے کے لیے ایک تاریخی معاہدہ کے بارے میں پوچھا گیا تو انہوں نے کہا کہ ہر دن ہم نزدیک ہو رہے ہیں۔ سعودی عرب کے ولی عہد کی طرف سے فاکس نیوز کو انٹرویو دیا گیا ہے۔