پی ایف آئی دہلی یونٹ کے صدر کی درخواست ضمانت مسترد

نئی دہلی: ایک عدالت نے پی ایف آئی کے دہلی یونٹ کے صدر پرویز احمد کی درخواست ضمانت مسترد کردی ہے جنہیں انفورسمنٹ ڈائرکٹوریٹ نے نقد عطیات کے نام پر منی لانڈرنگ میں ان کے مبینہ رول پر گرفتار کرلیا ہے۔

احمد نے اپنی درخواست میں استدلال کیا کہ ان کی مسلسل حراست غیرضروری ہے اور مقدمہ کو جلد ختم کئے جانے کا کوئی امکان نہیں ہے۔

ایڈیشنل سیشن جج چندرجیت نے کہا کہ ملزم پی ایم ایل اے قانون کی دفعہ 45 کے تحت درکار قانونی تقاضوں کی تکمیل میں ناکام رہا ہے اسی لئے موجودہ درخواست ضمانت مسترد کی جاتی ہے۔