شمالی بھارت

عرسِ خواجہؒ، دہلی میں جلوس، کئی مقامات پر ٹرافک جام

مشہور صوفی بزرگ اجمیر شریف کے حضرت خواجہ معین الدین چشتی رحمۃ اللہ علیہ کے 811ویں عرس مبارک سے متعلق ایک جلوس کی وجہ سے جنوبی اور وسطی دہلی میں آج ٹرافک میں زبردست خلل دیکھا گیا۔

نئی دہلی: مشہور صوفی بزرگ اجمیر شریف کے حضرت خواجہ معین الدین چشتی رحمۃ اللہ علیہ کے 811ویں عرس مبارک سے متعلق ایک جلوس کی وجہ سے جنوبی اور وسطی دہلی میں آج ٹرافک میں زبردست خلل دیکھا گیا۔

متعلقہ خبریں
مذہبی جلوس پر سنگباری، فرقہ وارانہ جھڑپ

یہ جلوس اتوار سے تین روز تک نکالا جاتا رہے گا۔ دہلی پولیس نے اس کی اجازت دے دی ہے۔

اتوار کے روز جلوس کا آغاز جامع مسجد چوک سے ہوا اور یہ مٹیا محل، چتلی قبر، تراہا بیرام خان، دہلی گیٹ، آئی ٹی او، پرگتی میدان، مٹکا شاہ بابا، پرانا قلعہ، سندر نگر اور اوبرائے ہوٹل سے ہوتا ہوا درگاہ حضرت نظام الدینؒ پہنچا۔

جلوس کی وجہ سے کئی جگہ ٹرافک جام ہوگئی۔ پولیس نے اس راستہ پر گاڑیوں کا رخ موڑ دیا تھا اور مسافروں کو مختلف سڑکیں اختیار کرنے کا مشورہ دیا تھا۔ آئندہ دو دن بھی ٹرافک میں خلل پڑنے کا اندیشہ ہے۔