منی پور میں تازہ فائرنگ 2 افراد کی موت
شنوپور ضلع اور چوڑاچاندپور ضلع کے چنگ پھے اور خوساباغ علاقوں میں آج صبح دو گروپس کے درمیان شدید فائرنگ کی اطلاعات ہیں اور گزشتہ 12گھنٹوں کے دوران دو افراد کی موت ہوگئی۔
امپھال: بشنوپور ضلع اور چوڑاچاندپور ضلع کے چنگ پھے اور خوساباغ علاقوں میں آج صبح دو گروپس کے درمیان شدید فائرنگ کی اطلاعات ہیں اور گزشتہ 12گھنٹوں کے دوران دو افراد کی موت ہوگئی۔
عہدیداروں کے مطابق‘ فائرنگ کا تازہ واقعہ‘ چہارشنبہ کی شام سے چند گھنٹوں کے سکوت کے بعد پیش آیا۔ چہارشنبہ کے تشدد میں بم کے حملے میں زخمی شخص گوہاٹی کے راستے میں زخموں سے جانبر نہ ہوسکا۔
ایک اور زخمی شخص جمعرات کو صبح 9بجے چوڑا چاند پور ضلع کے دواخانہ میں زخموں سے جانبر نہ ہوسکا جہاں وہ زیرعلاج تھا۔“ عہدیداروں کے مطابق چنگ پھے علاقہ میں چہارشنبہ کی شام زخمی ہونے والے پانچ افراد میں سے تین کو چوڑاچاند پور ضلع اسپتال منتقل کیا گیا تھا۔
ایک شخص کا سر زخمی ہوا تھا جبکہ دوسرے کا کندھا، پیر اور پیٹھ زخمی ہوئی تھی۔ منگل کو بشنوپور کے نارائن سینا گاؤں کے قریب تشدد کے علاحدہ واقعات میں دو افراد کی موت جبکہ دیگر چھ زخمی ہوگئے تھے۔
ایک کی گولی لگنے سے موت ہوئی جبکہ دوسرے کی موت اسی کی بندوق سے غلطی سے گولی چل جانے سے ہوئی۔
