نابالغ چچازاد بہن کیساتھ جنسی زیادتی کے ملزم کو 20 سال قید کی سزا

سری گنگا نگر: راجستھان کے سری گنگا نگر میں جنسی جرائم سے بچوں کے تحفظ کے قانون (پوکسو ایکٹ) کی خصوصی عدالت (نمبر2) کے جج شادی جھانسہ دے کر ایک نابالغ لڑکی کے ساتھ جنسی زیادتی کے الزام میں چچازاد بھائی کو آج 20 سال قید کی سزا سنائی۔

اسپیشل پبلک پراسیکیوٹر نوپریت کور سندھو نے کہا کہ ضلع کے سری بجے نگر تھانہ کی پولیس نے متاثرہ لڑکی کی جانب سے اپنی بھوپی اور چچا کے ساتھ تھانے میں آکر دی گئی رپورٹ کی بنیاد پر 8 دسمبر 2018 کو نوجوان کرشنا نائک کے خلاف مقدمہ درج کیا تھا۔

واقعہ کے وقت متاثرہ نویں جماعت میں پڑھتی تھی اور اس کی عمر 15 سال 6 ماہ تھی۔ واقعہ کے دن کرشنا نے اسے پکڑ لیا اور زبردستی نہر کی پٹری سرکاری جگہ پر لے گیا۔ انکار کے باوجود جبراً آبرو ریزی کی۔اس کے بعد کرشنا نے اسے بھاگنے کو کہا۔ عوامی شرمندگی کے باعث اس نے نہر میں چھلانگ لگا دی۔ اس کے والد، چچا اور دو تین دیگر افراد نے اسے نہر سے نکالا۔

متاثرہ نے پولیس کو دی گئی رپورٹ میں بتایا کہ کرشنا اس سے پہلے بھی دو تین بار زبردستی زیادتی کر چکا ہے۔ وہ شادی کرنے کا جھانسہ دیتا رہا۔ بے عزتی کے ڈر سے وہ خاموش رہی۔

مقدمہ درج ہونے کے بعد پولیس نے پورے معاملے کی گہرائی سے چھان بین کی۔انہوں نے کہا کہ پولیس کی جانب سے تفتیش مکمل کرنے کے بعد ملزم کے خلاف متعلقہ دفعات کے تحت عدالت میں چالان پیش کیا گیا۔

عدالت میں سماعت کے دوران استغاثہ کی جانب سے 11 گواہان اور 18 دستاویزی شواہد پیش کیے گئے۔

فاضل جج نے آج کرشنا کو قصوروار ٹھہرایا اور دفعہ 376 کے تحت 20 سال کی سخت قید اور 50 ہزارروپے جرمانہ عائد کیا۔ پوکسو ایکٹ کی دفعہ 5(این)/6 کے تحت 10 سال کی سخت قید اور 25 ہزار روپے کا جرمانہ عائد کیا گیا ہے۔ جرمانہ ادا نہ کرنے کی صورت میں اضافی سزا بھگتنا ہو گی۔