پیدائش کے فوری بعد برتھ سرٹیفکیٹ کی اجرائی

نئی دہلی: اترپردیش کے سرکاری دواخانوں میں نومولود بچوں کو اب زچگی کے فوری بعد برتھ رجسٹریشن سرٹیفکیٹ جاری ہوجائے گا۔

ماں باپ کو اس کیلئے درخواست دینے کی ضرورت نہیں ہوگی۔ اس کیلئے حکومت اترپردیش نے اپنے ماں نوجات ٹریکنگ ایپ کو برتھ رجسٹریشن سے جوڑدیاہے۔

ڈائرکٹریٹ سینسیس آپریشن لکھنو نے حکومت اترپردیش کے نیشنل ہیلت مشن‘یونیسیف اور رجسٹرارجنرل آف انڈیا کے دفتر دہلی سے شراکت داری کی ہے۔

پرنسپل سکریٹری محکمہ صحت پارتھاسارتھی سین شرما نے یہ بات بتائی۔ انہوں نے پی ٹی آئی سے کہا کہ حکومت اترپردیش پہلی ریاست بن گئی ہے جو بچوں کی پیدائش کے فوری بعد اندراج کررہی ہے۔