آوارہ کتوں کے حملے میں 100 بھیڑیں ہلاک

یادادری بھونگیر کے الیرو قصبے کے ایک بھیڑ فارم پر بدھ کی رات آوارہ کتوں نے حملہ کر دیا، جس سے ایک بڑا سانحہ پیش آیا۔ اس حملے میں تقریباً 100 بھیڑیں مر گئیں۔

فارم کے مالک سمپت نے ہمیشہ کی طرح اپنی بھیڑوں کو شیڈ میں ڈالا اور بدھ کی شام گھر چلا گیا۔ جمعرات کی صبح چھ بجے جب وہ شیڈ پر پہنچا تو اس کی بھیڑیں مردہ پائی گئیں۔

انہوں نے اپنے دکھ کا اظہار کرتے ہوئے کہا کہ انہیں لاکھوں روپیہ کا نقصا ن ہوا ہے۔ماضی میں بھی سمپت کے فارم پر آوارہ کتوں نے حملہ کیا تھا۔ جس کا ذکر سمپت کیا ہے۔ 

گاؤں والوں نے اس واقعہ پر شدید غصہ اور تشویش کا اظہار کیا ہے۔مقامی عوام نے انتظامیہ سے آوارہ کتوں پر قابو پانے اور متاثرہ فرد کے ساتھ انصاف کر نے کا مطالبہ کیا ہے۔