تلنگانہ کے کاماریڈی میں آگ لگنے سے 12 دکانیں خاکستر

کاماریڈی: تلنگانہ کے شہر کاماریڈی میں پرانے بس اسٹینڈ کے قریب شدید آگ لگنے کے نتیجے میں کم از کم 12 دکانیں جل کر راکھ ہو گئیں۔ اس واقعے کے بعد علاقے میں کھلبلی مچ گئی اور مقامی لوگوں نے فوری طور پر پولیس اور محکمہ فائر بریگیڈ کو اطلاع دی۔

موصولہ معلومات کے مطابق اطلاع ملتے ہی فائر فائٹرز موقع پر پہنچ گئے اور سخت جدوجہد کے بعد آگ پر قابو پا لیا۔

ابتدائی رپورٹ کے مطابق اس واقعے میں کسی کے زخمی ہونے یا جانی نقصان کی کوئی اطلاع نہیں ملی۔

تاہم آگ لگنے کی اصل وجہ فوری طور پر معلوم نہیں ہو سکی، پولیس نے مقدمہ درج کر کے واقعے کی تفصیلی تحقیقات شروع کر دی ہیں۔