طالبہ کی چوٹی کے بال پکڑکر گھسیٹنے کا واقعہ‘2خاتون کانسٹبل معطل

حیدرآباد: سائبرآبادکمشنرپولیس اویناش موہنتی نے اے بی وی پی کی خاتون ورکر کو چوٹی کے بال پکڑکر روڈپر گھسیٹنے کے الزام میں 2 لیڈی پولیس کانسٹبلس کوملازمت سے معطل کردیا۔

ذرائع کے بموجب حکومت تلنگانہ کی جانب سے ہائی کورٹ کی نئی عمارت کی تعمیر کے لئے زرعی یونیورسٹی کی 100 ایکڑ اراضی الاٹ کرنے کے خلاف راجندر نگر میں اے بی وی پی کے طلبہ نے سخت احتجاج کیا تھا۔

اس موقع پر اگریکلچرل یونیورسٹی راجندرنگر کی طالبہ کو لیڈی کانسٹبل نے جو ایکٹیوا پر سوارتھی‘طالبہ کی چوٹی کے بال پکڑکر گھسیٹاتھا۔اس کی ویڈیو وائرل ہوچکی تھی۔

اس وقت سائبرآباد کمشنر پولیس نے اس واقعہ کی تحقیقات کاحکم دیا تھا۔ ہیومن رائٹس کمیشن نے اس واقعہ کا سخت نوٹ لیتے ہوئے سائبرآباد پولیس کمشنر کونوٹس جاری کردی۔