لبنان-اسرائیل سرحد پر جھڑپ میں حزب اللہ کے 2 جنگجو شہید، 5 شہری زخمی

بیروت: لبنان-اسرائیل سرحد پر تصادم میں پیر کے روز حزب اللہ کے دو جنگجو شہیداور پانچ عام شہری زخمی ہو گئے۔

ذرائع نے نام ظاہر نہ کرنے کی شرط پر بتایا کہ یہ ہلاکتیں جنوبی لبنان کے کم از کم 21 سرحدی دیہاتوں اور قصبوں پر اسرائیلی بھاری توپ خانے کی بمباری کے نتیجے میں ہوئی ہيں اور اسرائیلی جنگی طیاروں نے جنوبی لبنان کے متعدد علاقوں پر 16 حملے کیے ہیں۔

لبنانی فوجی ذرائع کے حوالے ژنہوا نے بتایا کہ اسرائیلی بمباری کے نتیجے میں 7 مکانات تباہ اور 22 گھروں اور پانچ گاڑیوں کو نقصان پہنچا ہے۔

حزب اللہ نے پیر کے روز یہ بھی اعلان کیا کہ اس کے جنگجوؤں نے اسرائیلی مقامات پر متعدد حملے کیے، جن میں مسکاو بستی کی عمارتیں، برقات ریشا کے مقام پر اسرائیلی فوجیوں کا کیمپ، وغیرہ شامل ہیں۔

لبنانی سیکورٹی ذرائع کے مطابق حزب اللہ اور اسرائیل کے درمیان جھڑپوں میں لبنانی جانب سے اب تک 177 افراد ہلاک ہو چکے ہیں جن میں حزب اللہ کے 126 ارکان اور 32 عام شہری شامل ہیں۔