انکاؤنٹر میں مارے گئے 31 نکسلیوں میں سے 22 کی شناخت، ماؤنوازوں پر 1.70 کروڑ روپے انعام کا اعلان

نارائن پور: (یواین آئی) چھتیس گڑھ کے نارائن پور-دنتے واڑہ سرحد پر ماڈ علاقے میں گزشتہ جمعہ کو سیکورٹی فورسز کے ساتھ تصادم میں مارے گئے 31 نکسلیوں میں سے اب تک 22 ماؤ نوازوں کی شناخت ہو چکی ہے جبکہ باقی نو ماؤنوازوں کی لاشوں کی شناخت کا کام جاری ہے۔

حکومت نے مذکورہ 22 نکسلیوں پر 1.70 کروڑ روپے کے انعام کا اعلان کیا تھا۔سیکورٹی فورسز نے ابھی تک مزید کچھ لاشیں ملنے کے امکان کو رد نہیں کیا ہے۔ اب تک 22 لاشوں کی شناخت ہو چکی ہے۔

انکاؤنٹر میں ملوث افراد کی شناخت ایک ڈی کے ایس زیڈ سی، تین ڈی وی سی ایم، نو پی ایل جی اے کمپنی نمبر 6 ممبران، دو ڈی کے ایس زیڈ سی گارڈز، چھ ایریا کمیٹی ممبران اور ایک ایریا کمیٹی پارٹی ممبر کیڈر کے طور پر کی گئی ہے۔

مانا جا رہا ہے کہ اس انکاؤنٹر کے بعد نکسلیوں کی پوری کمپنی کا صفایا کر دیا گیا ہے اور باقی نو ماؤنوازوں کی لاشوں کی شناخت کی جا رہی ہے۔

Photo Source: Chhattisgarh